ANORI-mut CSR pingaaruteqarluinnartuuvoq, Kalaallit Nunaanni suliffeqarfimmik aallussiniaraanni aamma pingaartinneqartariaqarpoq. Kalaallit Nunaanni suliffeqarfiinnaarusunngilagut Kalaallit Nunaannili suliffeqarfiorusuppugut suleqataasoq.

Piujuartitsine q nukissiutillu ataavartut nukissiutitut nalinginnaasutut isigivagut. ANORI-p pingaartitarivaa ataavartumik piujuartitsineq.

Kalaallit inooriaasaanut pingaartut ilarilluinnarpaat piujuartitsineq. Pinngortitarsuaq inooqatiginngikkukku, siunissaq ungasinnerusoq isigalugu inuuinnarsinnaanngilatit. Amerlasuut ”Sassumap Arnaa” pillugu oqaluttuaq ilisimavaat. Inuit pinngortitarsuaq mingutsissimavaat, imarlu inuuffigisartik. Tamannalu ”Saassumap Arnaa”-nut annertuumik sunniuteqarsimavoq, taamaattumillu pillarlugit immap uumasui tigummigallarsimavai, inuit mingutsitsinngitsumik inooriaaseqarnissartik ilikkarnissaata tungaanut.

Taannarpiaq inooriaaseq tunngavigalugu ANORI Kalaallit Nunaanni aamma peqataarusuppoq.

ANORI-p tunngavigai paasisimasaqassuseq suliamullu pikkorissuserlu. Taamaattumik CSR-imut pingaartilluinnakkatta ilarivaat ilinniartitaaneq. Meeqqat inuusuttullu Kalaallit Nunaanni najugallit aamma periarfissaqartariaqarput, ANORI-p tamanna peqataaffigerusuppaa. Ilinniarniaraanni, inuunermi sinaakkutit pitsaasuusariaqarput. Taamaattumillu ANORI siammasissumik suliaqarusuppoq. Isumaginninneq ilinniartitaanerlu ukkatarerusuppagut, meeqqat inuusuttullu inuunerminni ilinniarnerminnilu nuannersui misiginiassammatigit

Piujuartitsineq suussava, kinguaatsinniit tigunissaqanngippat?

Tigussaasutut iliuusissat ilarivaat, meeqqat atuarfiini, nunalerineq, inuiaqatigiilerineq oqaatsillu ukkatarissagatsigit. Ilinniarnermilu ingerlariaqqikkaanni nunat tamalaat akornanni ilisimasaqassuseq peqataaffigissavarput. Iliuutsit taakkua isumannaassavaat, Kalaallit Nunaata nanat tamaalaat akornanni inuussutissarsiutitigut saqqummilaarnerunissaat. Tamanna iliuuseq iluatsinnikuuvoq Labrador/New Foundland-imi.