Nunarsuatsinni avatangiiseq, silaannaallu allanngoriartornera ilungersunartumi inissisimavoq. Ilaatigut tassani inissisimaneranut peqqutaaqataavoq, inuttut inooriaaserput najugaqariaaserpullu. Nunarsuatsinnut artukkiinerpaat ilarivaat, nukissiuuteqarnikkut atueriaaserput. Nunarsuatta sananeqaataaniit nukissiutinik atuinerup kingunerisarpaa CO₂ – mik nunarsuatta silaannaanut aniatitsineq. Aniatitsineq sumiikkaluartorluunniit nunarsuarmut tamanut sunniuteqartarpoq. Taamaattumillu tamaavitta pisussaaffeqarpugut CO₂ – mik aniatitsinerup annikinnerpaaffianiitinnissaanut. Nukissiuteqarnikkut atueriaatsitta allanngorneratigut pitsanngorsarneratigullu nunarsuatsinni silaannaap allanngoriartornerata ajunnginnerup tungaanut aallartissinnaavarput. Allannguinerit pitsanngorsaanerillu angussagutsigit nunap sananeqaataaniit nukissiutinik atuinerit atorunnaartariaqarpagut, nukissiutinillu ataavartunik atuilerluta, assersuutigalugu seqernup, anorip immallu nukingi.

Inuiattut nukissiutinik kiffartuussisartugut piumaffigisariaqarpagut. Nukissiutit ataavartut piujuartitsinermillu siunertallit piumasariasariaqarpagut. Tamannalu piviusunngussappat, atueriaatsit eqqarsartariaaserpullu allanngortittariaqarparput. Aningaasaliissutit annertuut atorneqassapput, aningaasaliinngikkuttali inuiaqatigiinnut nunarsuatsinnullu akisunerussaaq, allannguinngikkutta. Ullumikkut sunniutit annertoorujussuamik malugivagut, silaannaammi allanngornera annertuvoq. Qanoq sivisutigisumik nunarsuarput artukkissavarput? Kinguaagullu qanoq annertutigisumik artukkerusuppagut?

Pitsaasumik allannguisinnaavugut, allannguissaagullu. ANORI aallartereerpoq, ilissilu peqatiserivassi.