Ulluni 17. aamma 18. maj Nuummi Future Greenland 2022 ingerlanneqassaaq. Kalaallit Nunaanni inuussutissarsiornikkut aaqqissuussat annersaannut Sulisitsisut qaaqqusisuupput. Anorimit peqataanissarput tulluartuusoraarput, tassami Sulisitsisuni ilaasortaanitta saniatigut aamma suleqatitta suleqatissattalu naapinnissaat pingaartikkatsigu. Anorimit isumaqarpugut Kalaallit Nunaanni industriimik nutaamik pilersitsisinnaalluta nukissiuutit assigiinngitsut pilersinnerisigut. Ikummatissaq uuliameersoq nukimmik ataavartumik taarserlugu ajornanngippallu nunanut allanut niuerutigalugu. Taama ililluta Anorimit Kalaallit Nunaannut eqqussuinerup annikillisinnissaanut nunanullu allanut niuernermut peqataasinnaavugut. Tamanna Kalaallit Nunaata aningaasaqarneranut tamarmut iluaqutaassaaq. Anorip takorluugai suliaalu atorlugit Kalaallit Nunaat mianernannginnerusumik inissisimalersinnaavoq, maanna nunarsuarmi eqqissiviilliornerit eqqarsaatigalugit.
Anori 19. maj immikkut seminareqartoqarnerani peqataassaaq, tassani sakkutooqarfiit Issittumi suliallit peqatigalugit Kalaallit Nunaanni inuussutissarsiortut suliassanik sunik suliaqarsinnaanerlutik saqqummiussisinnaassapput. Issittumi baset ikummatissanik uuliameersunik innaallagissiuuteqarunnaarlutik nukissiuutinut allanut nukimmik ataavartumik tunngaveqartunut nuukkiartornissaannut ikiorusullugillu ikiortariaqartutut Anorimit isumaqarpugut.
Nuummi pisussanut qilanaarpugut. Neriuppugut takussallusi.